Новости по тегам

Сямейнае прадпрымальніцтва: міжнародны вопыт і перспектывы развіцця ў Рэспубліцы Беларусь

У сучасным свеце значную частку малога прадпрымальніцтва складаюць сямейныя прадпрыемствы. Сацыяльныя і эканамічныя перавагі дадзенай формы арганізацыі бізнесу абумовілі высокую эфектыўнасць функцыянавання яго суб'ектаў, доўгатэрміновасць іх існавання і дынамічнасць развіцця.

У шэрагу заходніх краін дзейнічаюць спецыяльныя аб'яднанні, якія праводзяць даследаванні ў сферы арганізацыі сямейнага бізнесу, абараняюць інтарэсы і даюць дыскусійныя пляцоўкі па абмене вопытам функцыянавання сямейных прадпрыемстваў. Гэта дазваляе актыўна далучаць насельніцтва у прадпрымальніцкую дзейнасць, развіваць традыцыі сямейнай справы і фармаваць сямейныя бізнэс-дынастыі.

Тым самым сямейнае прадпрымальніцтва не толькі забяспечвае стабільную сацыяльна-эканамічную абстаноўку ў грамадстве, але і фарміруе пазітыўнае, накіраванае ў будучыню дзелавое асяроддзе.

Стратэгічнымі праграмнымі дакументамі нашай краіны задача далейшай актывізацыі прадпрымальніцтва, павышэння яго ролі і месцы ў эканоміцы вызначана ў якасці адной з прыярытэтных. У сувязі з гэтым стварэнне прававых, эканамічных і арганізацыйных умоў для развіцця сямейнага бізнэсу уяўляецца вельмі актуальным.

У дадзенай публікацыі прадстаўлены матэрыял, які адлюстроўвае гісторыю станаўлення і развіцця сямейных прадпрыемстваў, іх ключавыя характарыстыкі і адрозненні ад іншых формаў арганізацыі бізн.су, іх моцныя і слабыя бакі, а таксама практыку прававога рэгулявання сямейнага прадпрымальніцтва ў шэрагу краін.