Мненияархив

18 февраля 2020 г.

Что нужно предусмотреть в проекте Закона «О саморегулируемых организациях»

Вадим Мацкевич, председатель Республиканского союза участников таможенных отношений

14 февраля 2020 г.

Саморегулирование нужно оценщикам, чтобы выигрывать конкуренцию на едином рынке услуг ЕАЭС

Светлана Юреня, председатель Ассоциации оценочных организаций

Публикацииархив

01 декабря 2017 г.

Саморегулирование профессиональной и предпринимательской деятельности: практическое пособие

В книге представлены материалы, отражающие сущность саморегулирования, историю его возникновения и развития; анализируются достоинства саморегулирования как альтернативы государственному вмешательству в экономику, излагаются условия, необходимые для создания и развития саморегулируемых организаций.

Новости по тегам

Распечатать 09.12.2013

Пётр Пракаповіч сустрэўся з прадпрымальнікамі са Жлобіна

Выязная нарада-семінар па пытаннях развіцця малога і сярэдняга прадпрымальніцтва адбылася ў Жлобіне 5 снежня 2013 года. У ёй прыняў удзел Пётр Пракаповіч, намеснік прэм'ер-міністра Рэспублікі Беларусь, старшыня Савета па развіцці прадпрымальніцтва, а таксама кіраўніцтва Гомельскага аблвыканкама, старшыні гарадскіх і раённых выканаўчых камітэтаў Гомельскай вобласці. З членаў Савета прысутнічалі Тамара Міжэвіч, Аляксандр Калінін і Аляксандр Швец.

Удзельнікі семінара наведалі шэраг прыватных прадпрыемстваў Жлобіна, пагутарылі з мясцовымі прадпрымальнікамі, пасля чаго на пленарным пасяджэнні абмеркавалі праблемы, якія перашкаджаюць малому і сярэдняму бізнэсу развівацца больш актыўна.

Як адзначыў Пётр Пракаповіч, роля і значэнне малога і сярэдняга бізнэсу ў эканоміцы краіны сёння на парадак вышэйшыя, чым гэта было некалькі гадоў таму:

- Эканамічны рост павінен быць значны, але ў буйных прадпрыемстваў няма магчымасці гэта забяспечыць. Рост магчымы толькі за кошт развіцця малога і сярэдняга бізнэсу.

Таксама ён звярнуў увагу на тое, што малы і сярэдні бізнэс павінен вырашыць праблемы з занятасцю насельніцтва:

- Мы праводзім комплексную мадэрнізацыю эканомікі, якая прадугледжвае не толькі тэхнічную мадэрнізацыю ў выглядзе замены абсталявання і тэхналогій, але і эканамічную мадэрнізацыю: мы павінны ўкараніць самыя дасканалыя сістэмы кіравання, самыя дасканалыя сістэмы якасці. Гэта прыводзіць да значнага скарачэння колькасці працуючых на буйных прадпрыемствах, і вырашыць пытанні з занятасцю гэтых работнікаў можа менавіта малы і сярэдні бізнэс, - сказаў Пётр Пятровіч, дадаўшы, што сёлета колькасць працуючых на буйных прадпрыемствах ужо скарацілася прыкладна на 50 тысяч чалавек.

На думку намесніка прэм'ер-міністра, малы і сярэдні бізнэс таксама здольны вырашыць і праблему з вяртаннем кваліфікаваных кадраў з-за межаў краіны, прапанаваўшы ім сучасныя працоўныя месцы і магчымасць добра зарабляць.

З дапамогай МСБ можна вырашыць і пытанні збалансаванасці знешняй і ўнутранай гандлю і стабілізацыі эканомікі, лічыць Пётр Пракаповіч. На яго думку, на ўнутраным рынку назіраецца відавочны дысбаланс. «Даходы насельніцтва растуць, патрэбы ў таварах і паслугах растуць, а эканоміка не ў стане забяспечыць гэтыя патрэбы. Насельніцтва, маючы грошы, купляе імпартныя тавары. Доля імпарту пастаянна расце, а мы губляем свой уласны рынак. І менавіта малы і сярэдні бізнэс, які можа хутка перабудоўвацца і выпускаць тое, што трэба людзям, павінен у асноўным вырашыць гэтую задачу. Што тычыцца разбалансаванасці знешняга гандлю, то мы пастаянна прадаем на экспарт нашых тавараў і паслуг менш, чым плацім за імпарт. І пакуль мы гэтую праблемы не вырашым, мы будзем увесь час мець негатыўныя моманты».

Таму стаіць задача максімальна нарасціць экспарт: як лічыць віцэ-прэм'ер, ён павінен на 5-10% апярэджваць імпарт, тады ў краіне будзе стабільная эканоміка, стабільны і празрысты курс нацыянальнай валюты, і будуць поўнасцю задаволены патрэбнасці эканомікі ў фінансавых рэсурсах.

Гэтыя задачы Пётр Пятровіч лічыць складанымі, а значыць, на яго думку, неабходна зрабіць усё, каб стварыць малому і сярэдняму бізнэсу ўмовы для хуткага развіцця. І мэтай семінара ў Жлобіне было паглядзець, што перашкаджае прадпрымальнікам на ўзроўнях рэспублікі, абласцей, раёнаў, чым трэба дапамагаць і падтрымліваць прыватны бізнэс. Ён таксама заявіў, што аналагічныя семінары, пачынаючы з лютага наступнага года, будуць праводзіцца кожны месяц у розных раёнах краіны.

мероприятияархив