Меркаванні

ДПП з’яўляецца эфектыўнай формай супрацоўніцтва

Сёння ў нашай краіне сфарміраваны прававыя ўмовы для развіцця дзяржаўна-прыватнага партнёрства. Стварэнне гарбарна-абутковага холдынгу «Беларуская гарбарна-абутковая кампанія «Марка» я разглядаю менавіта як прыклад такога партнёрства, які прыносіць ўзаемныя выгады дзяржаве і бізнэсу.

Прэферэнцыі, якія будуць прадастаўлены холдынгу «Марка» для развіцця гарбарна-абутковай галіны - яркі прыклад супрацоўніцтва дзяржавы і бізнэсу. Пасля завяршэння рэалізацыі інвестпраекта на віцебскім футравым камбінаце будзе вызначана доля акцый, якія належаць дзяржаве. Умовы па гэтым пытанні загадзя не агаворваліся. Калі і колькі акцый пяройдуць ва ўласнасць дзяржавы, будзе вызначацца пазней на аснове дбайных разлікаў і ацэнак.

Думаю, гэта правільны, граматны пачатак, без хітрыкаў. На мой погляд, дзяржаўна-прыватнае партнёрства з'яўляецца эфектыўнай формай супрацоўніцтва. Тут абодва бакі ўносяць ўклад у рэалізацыю праекта і зацікаўлены ў поспеху.

На аснове дзяржаўна-прыватнага партнёрства можна таксама развіваць сістэму дамоў для састарэлых грамадзян і інвалідаў. Такія аб'екты ёсць ва ўсіх заходніх краінах, і гэты напрамак дзейнасці з'яўляецца не толькі эканамічна эфектыўным, але і сацыяльна-арыентаваным. Лічу, што такія праекты трэба ўвасабляць у жыццё. З гадамі ўсё мы становімся мудрэй і пачынаем па-іншаму разумець і ставіцца да старэйшага пакалення, іх працы і дасягненняў. Пасля цяперашніх праектаў я гатовы паспрабаваць сябе ў гэтай справе. Прынамсі, задумкі такія ёсць. І мяркую, што такія праекты трэба ажыццяўляць сумесна з дзяржавай.

(З інтэрв'ю, апублікаваным у часопісе "Эканоміка Беларусі" № 4, 2013)