Навіны савета

Пётр Пракаповіч наведаў прыватныя прадпрыемствы ў Маладзечанскім раёне

Выязная нарада-семінар па пытаннях развіцця малога і сярэдняга прадпрымальніцтва Мінскай вобласці адбылася ў Маладзечанскім раёне 16 красавіка 2014 года. У ёй прынялі ўдзел старшыня Савета па развіццю прадпрымальніцтва Пётр Пракаповіч, намеснік старшыні Савета Сяргей Навіцкі, а таксама члены Савета Мікалай Баравы, Віктар Маргелаў і Васіль Астроўскі.

Удзельнікі семінара наведалі СЗАТ "Электратэхнічная кампанія ТіЗ", ЗАТ "ЭНЭФ ", СП ТАА "Мінскі мэблевы цэнтр", Маладзечанскі раённы цэнтр рамёстваў, філіял №1 СТАА "Белор-дызайн", а таксама прынялі ўдзел у адкрыцці новага аб'екта прыдарожнага сэрвісу ў Маладзечанскім раёне. Дадзены аб'ект быў пабудаваны на працягу аднаго года па інвестыцыйным дагаворы і ўяўляе сабой шматфункцыянальны комплекс, які ўключае магазін, рэстаран, канферэнц-зала і гасцініцу. У перспектыве тут плануецца будаўніцтва бровары з аб'ёмам вытворчасці да 300 літраў у суткі.

Пётр Пракаповіч адзначыў, што перад рэгіёнамі ставяцца сур'ёзныя задачы па развіцці малога і сярэдняга бізнэсу:

- Што тычыцца адпаведных рашэнняў на рэспубліканскім узроўні, то яны ўжо ёсць. Самыя галоўныя з іх накіраваны на забеспячэнне даступнасці крэдытных рэсурсаў. Задача ўрада і Нацыянальнага банка Беларусі - зняць усе абмежаванні па крэдытаванні малога і сярэдняга бізнэсу ў краіне. Думаю, нам удасца гэта зрабіць у бліжэйшы час.

Ён таксама падкрэсліў, што рэзерваў для развіцця прадпрымальніцтва ў Мінскай вобласці яшчэ шмат. Пры гэтым большасць пытанняў можна вырашыць на ўзроўні абласцей і раёнаў. І рабіць гэта, на думку Пятра Пракаповіча, неабходна па прынцыпе «аднаго акна» - неадкладна, без усялякіх затрымак і з максімальнай фінансавай і адміністрацыйнай падтрымкай.

Фота: БелТА

Відэа: Беларусь-1