Афіцыйныя дакументы

Аб вызваленні ад падаткаабкладання курсавых розніц, якія ўзнікаюць пры пераацэнцы маёмасці і абавязацельстваў у замежнай валюце

У мэтах выканання пратакола даручэнняў ад 6 лютага 2014 г. №11/8пр, дадзеных у Гродне ў ходзе выязнога пасяджэння Савета па развіцці прадпрымальніцтва ў Рэспубліцы Беларусь, Міністэрствам фінансаў разгледжана пытанне аб вызваленні ад падаткаабкладання курсавых розніц, якія ўзнікаюць пры пераацэнцы маёмасці і абавязацельстваў у замежнай валюце.

Аб вызваленні ад падаткаабкладання курсавых розніц

Міністэрства фінансаў Рэспублікі Беларусь у мэтах выканання пункта 2 Пратакола даручэнняў Намесніка Прэм'ер-міністра Рэспублікі Беларусь Пракаповіча П.П. ад 6 лютага 2014 № 11/8пр, дадзеных у г. Гродна ў ходзе выязнога пасяджэння Савета па развіцці прадпрымальніцтва ў Рэспубліцы Беларусь па пытаннях развіцця экспарту, сумесна з Міністэрствам па падатках і зборах, Міністэрствам эканомікі і Саветам па развіцці прадпрымальніцтва ў Рэспубліцы Беларусь разгледзела пытанне вызвалення ад падаткаабкладання курсавых розніц, якія ўзнікаюць пры пераацэнцы маёмасці і абавязацельстваў у замежнай валюце, і паведамляе наступнае.

У адпаведнасці з артыкуламі 128, 129 Падатковага кодэкса Рэспублікі Беларусь (далей - Кодэкс) у склад пазарэалізацыйных даходаў і расходаў ўключаюцца адпаведна станоўчыя і адмоўныя курсавыя розніцы, якія ўзнікаюць пры пераацэнцы актываў і абавязацельстваў, кошт якіх выражаны ў замежнай валюце.

Пры гэтым пазарэалізацыйныя даходы і выдаткі паводле Кодэкса вызначаюцца на падставе дакументаў бухгалтарскага ўліку (пры неабходнасці з дапамогай правядзення разліковых карэкціровак да дадзеных бухгалтарскага ўліку ў рамках вядзення падатковага ўліку).

Артыкулам 12 Закона Рэспублікі Беларусь "Аб бухгалтарскім уліку і справаздачнасці" устаноўлена, што пералік выяўленага ў замежнай валюце кошта грашовых сродкаў, фінансавых укладанняў (за выключэннем фінансавых укладанняў у статутныя фонды іншых арганізацый), дэбіторскай запазычанасці і абавязацельстваў (за выключэннем атрыманых і выдадзеных авансаў, папярэдняй аплаты, задаткаў) у афіцыйную грашовую адзінку Рэспублікі Беларусь праводзіцца арганізацыямі (за выключэннем Нацыянальнага банка Рэспублікі Беларусь, банкаў) па афіцыйным курсе афіцыйнай грашовай адзінкі Рэспублікі Беларусь у адносінах да адпаведнай замежнай валюты, які ўстанаўліваецца Нацыянальным банкам Рэспублікі Беларусь, на дату здзяйснення гаспадарчай аперацыі ў замежнай валюце, а таксама на справаздачную дату.

Розніцы, якія ўзнікаюць пры пераліку выражанага ў замежнай валюце кошту актываў і абавязацельстваў, у афіцыйную грашовую адзінку Рэспублікі Беларусь, адносяцца арганізацыямі (за выключэннем Нацыянальнага банка Рэспублікі Беларусь, банкаў, бюджэтных арганізацый) - на павелічэнне або памяншэнне актываў, абавязацельстваў, уласнага капіталу, даходаў, расходаў у парадку, устаноўленым заканадаўствам Рэспублікі Беларусь.

Згодна з пунктам 15 Інструкцыі па бухгалтарскаму ўліку даходаў і расходаў, зацверджанай пастановай Міністэрства фінансаў Рэспублікі Беларусь ад 30.09.2011 № 102, у склад даходаў і расходаў па фінансавай дзейнасці, якія ўлічваюцца на рахунку 91 «Іншыя даходы і выдаткі», ўключаюцца, у тым ліку, курсавыя розніцы, якія ўзнікаюць ад пераліку актываў і абавязацельстваў, выражаных у замежнай валюце, за выключэннем выпадкаў, устаноўленых заканадаўствам.

Такім чынам, курсавыя розніцы, якія ўзнікаюць пры пераацэнцы маёмасці і абавязацельстваў у замежнай валюце, прызнаюцца даходамі (выдаткамі) для мэт бухгалтарскага ўліку і, як вынік, даходамі (выдаткамі) у падатковым уліку.

У сувязі з гэтым, улічваючы, што ў цяперашні час праводзіцца праца па збліжэнні падатковага і бухгалтарскага улікаў, падзел парадку адлюстравання курсавых розніц у падатковым і бухгалтарскім уліку немэтазгодны.

Даведачна. У Расійскай Федэрацыі дзейнічае аналагічны парадак уліку курсавых розніц: станоўчыя і адмоўныя курсавыя розніцы, якія ўзнікаюць пры пераліку абавязацельстваў, выражаных у замежнай валюце, у рублі ўлічваюцца ў мэтах падаткаабкладання прыбытку ў складзе адпаведна пазарэалізацыйных даходаў або выдаткаў на падставе артыкула 250 і 265 Падатковага кодэкса Расійскай Федэрацыі.

Падатковы кодэкс Рэспублікі Казахстан таксама прадугледжвае ўключэнне ў сукупны гадавы даход перавышэння сумы станоўчай курсавой розніцы, вызначанага ў адпаведнасці з міжнароднымі стандартамі фінансавай справаздачнасці і патрабаваннямі заканадаўства Рэспублікі Казахстан аб бухгалтарскім уліку і фінансавай справаздачнасці і, адпаведна, уключэнне ў склад вылікаў перавышэння сумы адмоўнай курсавой розніцы над сумай станоўчай курсавой розніцы.

Саветам па развіцці прадпрымальніцтва ў Рэспубліцы Беларусь прапанавана прадугледзець вызваленне экспарцёраў ад падаткаабкладання курсавых розніц, якія ўзнікаюць пры пераацэнцы маёмасці і абавязацельстваў у замежнай валюце, а для прадпрыемстваў, якія маюць значныя сумы крэдыторскай запазычанасці ў замежнай валюце, разгледзець магчымасць змяншэння падаткаабкладальнай базы на велічыню сальда курсавых розніц.

Аднак такі падыход не можа быць падтрыманы, паколькі яго рэалізацыя паставіць арганізацыі ў розныя ўмовы гаспадарання ў залежнасці ад дзейнасці, якая імі ажыццяўляецца, што парушае адзін з асноўных прынцыпаў падаткаабкладання ў Рэспубліцы Беларусь, у адпаведнасці з якім падаткаабкладанне грунтуецца на прызнанні ўсеагульнасці і роўнасці.

У сувязі з выкладзеным, па ўзгодненым меркаванні Міністэрства фінансаў, Міністэрства па падатках і зборах і Міністэрства эканомікі мэтазгодна захаваць дзеючы парадак падаткаабкладання курсавых розніц.

намеснік Міністра

У.В. Татарыновіч